დონალდ ტრამპი ლიდერია, რომელიც ახლო აღმოსავლეთს მშვიდობას მოუტანს, - ამის შესახებ განცხადებას სირიის დე ფაქტო ლიდერის, აჰმედ ალ-შარაას ადმინისტრაცია ავრცელებს.

აჰმედ ალ-შარაამ დონალდ ტრამპს აშშ-ის პრეზიდენტის თანამდებობის დაკავება მიულოცა.

„დარწმუნებულები ვართ, რომ ის ლიდერია, რომელიც ახლო აღმოსავლეთს მშვიდობას მოუტანს და რეგიონში სტაბილურობას აღადგენს. დიალოგისა და ურთიერთგაგების საფუძველზე ჩვენს ორ ქვეყანას შორის ურთიერთობების გაუმჯობესებას მოუთმენლად ველით“, - ნათქვამია განცხადებაში.

შეგახსენებთ, სირიელმა ამბოხებულებმა, აჰმედ ალ-შარაას მეთაურობით, 8 დეკემბერს დამასკო აიღეს და სირიის ყოფილი პრეზიდენტის, ბაშარ ალ-ასადის რეჟიმი დაამხეს.