სალომე ზურაბიშვილი - ვესაუბრე ლატვიის პრეზიდენტს ქართველი ხალხის ურყევი სურვილის მხარდაჭერისათვის ახალი, თავისუფალი და სამართლიანი არჩევნების ჩასატარებლად - ერთად უფრო ძლიერები ვართ
საქართველოს მეხუთე პრეზიდენტი სალომე ზურაბიშვილი მიუნხენის უსაფრთხოების კონფერენციის ფარგლებში, ლატვიის პრეზიდენტ ედგარ რინკევიჩს შეხვდა.
„ვესაუბრე ლატვიის პრეზიდენტ ედგარ რინკევიჩს ქართველი ხალხის ურყევი სურვილის მხარდაჭერისათვის ახალი, თავისუფალი და სამართლიანი არჩევნების ჩასატარებლად. ერთად უფრო ძლიერები ვართ!“ - წერს სალომე ზურაბიშვილი X-ზე.
ინფორმაციისთვის, საქართველოს მეხუთე პრეზიდენტმა, სალომე ზურაბიშვილმა, მიუნხენის კონფერენციის ფარგლებში, რამდენიმე შეხვედრა გამართა.
