მედია - აშშ-სა და რუსეთის მაღალჩინოსნების შეხვედრა უკრაინაში მიმდინარე ომის საკითხზე სამშაბათს გაიმართება
უკრაინაში მიმდინარე ომის დასრულების შესახებ შეთანხმების განსახილველად ამერიკელ და რუს მაღალჩინოსნებს შორის შეხვედრა საუდის არაბეთში სამშაბათს გაიმართება, - ინფორმაციას Axios-ი ავრცელებს.
გამოცემის ცნობით, აშშ-ის დელეგაციაში შევლენ სახელმწიფო მდივანი მარკო რუბიო, თეთრი სახლის მრჩეველი ეროვნული უსაფრთხოების საკითხებში მაიკ უოლცი და აშშ-ის სპეციალური წარმომადგენელი ახლო აღმოსავლეთში სტივ უიტკოფი.
ამ დროისთვის უცნობია, ვინ იქნება წარმოდგენილი რუსეთის დელეგაციაში. ერთ-ერთმა წყარომ გამოცემას განუცხადა, რომ შეხვედრას, სავარაუდოდ, საგარეო საქმეთა მინისტრი, სერგეი ლავროვი დაესწრება.
სტივ უიტკოფმა Fox News-თან საუბარში განაცხადა, რომ ის და მაიკ უოლცი საუდის არაბეთში კვირას ღამით ჩავიდოდნენ. რუბიო კი საუდის არაბეთში ისრაელში ვიზიტის შემდეგ, ორშაბათს ჩავა.
v-if="article.gallery" v-html="article.gallery"
