ვფიქრობ, უნდა განიხილონ ახალი არჩევნების ჩატარება, რადგან, არჩევნებამდე და მის პერიოდში ბევრი დარღვევა გამოვლინდა, - ამის შესახებ ნიდერლანდების საგარეო საქმეთა მინისტრმა, კასპარ ველდკამპმა ევროკავშირის საგარეო საქმეთა მინისტრების შეხვედრის დაწყებამდე ბრიუსელში ჟურნალისტებს, საქართველოსთან დაკავშირებით დასმული შეკითხვის საპასუხოდ განუცხადა.

„ასე რომ, ვფიქრობ, საქართველოს მთავრობამ ახალი არჩევნები უნდა განიხილოს და ეს ძალიან მნიშვნელოვანია. ნიდერლანდები მხარს უჭერს ქართველ ხალხს და ასე გააგრძელებს“, - აღნიშნა კასპარ ველდკამპმა.