თბილისში, ჭავჭავაძის გამზირზე სროლა იყო. მოკლულია მამაკაცი. ასევე დაჭრილია ერთი ადამიანი, რომელიც, არსებული ინფორმაციით, მისი თანმხლები პირია. როგორც თვითმხილველები "ინტერპრესნიუსთან" აცხადებენ, მათ ცეცხლსასროლი იარაღიდან 10-მდე გასროლის ხმა გაიგეს. თვითმხილველების ინფორმაციით, 2 ტყვია იქვე მდებარე ერთ-ერთი კაფეს მინებს მოხვდა.

ადგილზე მობილიზებულია პოლიცია და სასწრაფო დახმარების მანქანები.

როგორც "ინტერპრესნიუსს" შსს-ში განუცხადეს, გამოძიება სისხლის სამართლის კოდექსის 108-ე და 236-ე მუხლებით მიმდინარეობს, რაც განზრახ მკვლელობასა და ცეცხლსასროლი იარაღის უკანონო შეძენა-შენახვა-ტარებას გულისხმობს.