დონალდ ტრამპი - კოლორადოს გუბერნატორმა ჩემი მიზანმიმართულად დამახინჯებული პორტრეტი გამოფინა - ობამა შესანიშნავად გამოიყურება, ჩემი კი ნამდვილად ყველაზე ცუდია

აშშ-ის პრეზიდენტი, დონალდ ტრამპი კოლორადოს შტატის გუბერნატორს, ჯარედ პოლისს მემარცხენე რადიკალს უწოდებს და მისი „განზრახ დამახინჯებული“ პორტრეტის გამოფენაში ადანაშაულებს.

„არავის მოსწონს საკუთარი თავის ცუდი სურათი ან ნახატი, მაგრამ ის, რომელიც კოლორადოში, შტატის კაპიტოლიუმში, გუბერნატორმა გამოფინა, ყველა სხვა პრეზიდენტების პორტრეტებთან ერთად, მიზანმიმართულად იყო დამახინჯებული იმ დონეზე, რაც მეც კი, ალბათ, აქამდე არასდროს მინახავს. მხატვარმა ასევე დახატა პრეზიდენტი ობამა და ის შესანიშნავად გამოიყურება, მაგრამ ჩემი ნამდვილად ყველაზე ცუდია“, - წერს ტრამპი სოციალურ პლატფორმა Truth Social-ზე.

მისი თქმით, ურჩევნია საერთოდ არ ჰქონდეს პორტრეტი, ვიდრე აღნიშნული პორტრეტი ჰქონდეს.

„მან ალბათ დაკარგა თავისი ნიჭი ასაკის მატებასთან ერთად. ნებისმიერ შემთხვევაში, ბევრად მირჩევნია საერთოდ არ მქონდეს სურათი, ვიდრე ეს მქონდეს, მაგრამ კოლორადოდან ბევრმა დარეკა და მოიწერა საჩივრით. სინამდვილეში, ისინი გაბრაზებულები არიან ამაზე! მე მათი სახელით ვესაუბრები რადიკალ მემარცხენე გუბერნატორს, ჯარედ პოლისს, რომელიც უკიდურესად სუსტია კრიმინალთან დაკავშირებით, განსაკუთრებით ტრენ დე არაგუას მიმართ, რომელმაც პრაქტიკულად აიღო ავრორა (ნუ ინერვიულებთ, ჩვენ გადავარჩინეთ!), რომ ჩამოხსნას ის. ჯარედს საკუთარი თავის გამო უნდა რცხვენოდეს!“- წერს ტრამპი.

პატრიარქის სააღდგომო ეპისტოლე
ანდრო გოცირიძე - საქართველოს შეუძლია რუსეთის წიაღს დაუბრუნდეს, ოღონდ, რუსეთის მიერ აღიარებული „სახელმწიფოების“ გარეშე, ეს არის ის ფორმულა, რასაც რუსეთი საქართველოს ოფიციალურად სთავაზობს
ქართული პრესის მიმოხილვა 17.04.2025
„ამბასადორი აილენდ ბათუმის" მიმართ ინტერესმა დუბაის უძრავი ქონების საერთაშორისო გამოფენაზე მოლოდინს გადააჭარბა
„ვისოლი“ ციფრული ტრანსფორმაციის ახალ ეტაპზე გადადის
Touch Plarform-ის ორგანიზებით, თბილისში რიგით მეორე საერთაშორისო ციფრული დიზაინ ფესტივალი Touch RGB გაიმართება
სილქნეტის აქცია: თემატური სპორტული პაკეტები დამატებითი გადასახადის გარეშე
საბანკო ასოციაციის რჩევები კიბერუსაფრთხოებისთვის დღესასწაულების წინ