სახელმწიფო დეპარტამენტი უკრაინაში აშშ-ის ელჩის მიერ ვადაზე ადრე თანამდებობის დატოვებას ადასტურებს. ამის შესახებ ცნობები სახელმწიფო დეპარტამენტის პრესსპიკერმა, ტემი ბრუსმა ბრიფინგზე დაადასტურა.

“ამ კონკრეტულ შემთხვევაში, ელჩი [ბრიჯიტ] ბრინკი უკრაინაში ელჩი სამი წელი იყო. ომის დროს, ამ სამი წლის განმავლობაში. არაჩვეულებრივად შეასრულა მოვალეობები და მას ყველაფერს კარგს ვუსურვებთ”, - განაცხადა ბრუსმა.

მოგვიანებით, ერთ-ერთი ჟურნალისტის დასაკონკრეტებელ კითხვაზე, ადასტურებს თუ არა ის უკრაინაში აშშ-ის ელჩის, ბრიჯიტ ბრინკის გადადგომას, ბრუსმა უპასუხა: “ის სახლში ბრუნდება, კი”.