ტრამპმა რუსეთის საზიანო აქტივობებთან დაკავშირებით ჯო ბაიდენის მიერ დაწესებული სანქციები ერთი წლით გაახანგრძლივა. ამის შესახებ აშშ-ის პრეზიდენტმა, დონალდ ტრამპმა კონგრესის წევრებს შეატყობინა.

კერძოდ, საუბარია ჯო ბაიდენის მიერ 2021 წლის 15 აპრილს აღმასრულებელ ბრძანება 14024-ში გამოცხადებულ საგანგებო მდგომარეობაზე, რომელიც რუსულ საზიანო საგარეო აქტივობებს უკავშირდება.

აღმასრულებელ ბრძანებაში აღნიშნულია, რომ საზიანო აქტივებში იგულისხმება რუსეთის მცდელობები, ჩაერიოს შეერთებული შტატებისა და მისი მოკავშირეებისა და პარტნიორების თავისუფალ და სამართლიან არჩევნებში; მავნე კიბერ აქტივობები; უცხოურ მთავრობებზე გავლენის მოსაპოვებლებად ტრანსნაციონალური კორუფციისთვის ხელის შეწყობა და გამოყენება; რუსეთის ტერიტორიის ფარგლებს მიღმა დისიდენტების ან ჟურნალისტების სამიზნეში ამოსაღებად აქტივობები; შეერთებული შტატების ეროვნული უსაფრთხოებისთვის მნიშვნელოვან ქვეყნებსა და რეგიონებში უსაფრთხოებისთვის ძირის გამოთხრა; საერთაშორისო სამართლის დამკვიდრებული პრინციპების დარღვევა, მათ შორის სახელმწიფოების ტერიტორიულ მთლიანობასთან მიმართებით.

აღინიშნება, რომ ეს ყველაფერი უჩვეულო და ექსტრა ორდინალურ საფრთხეს წარმოადგენს შეერთებული შტატების ეროვნული უსაფრთხოებისთვის, საგარეო პოლიტიკისთვისა და ეკონომიკისთვის.