არჩევნების შემდეგ პირველ ვიზიტს სიმბოლური მნიშვნელობა აქვს, ამ ვიზიტის აზერბაიჯანში განხორციელება მეტად მნიშვნელოვანია ჩვენთვის, - ამის შესახებ აზერბაიჯანის პრეზიდენტმა ილჰამ ალიევმა მიხეილ ყაველაშვილთან გამართული შეხვედრის შემდეგ გამართულ პრესკონფერენციაზე განაცხადა.

ალიევმა მიხეილ ყაველაშვილს წარმატებები უსურვა.

„დარწმუნებული ვარ, აზერბაიჯანელი ხალხი მაღალ შეფასებას აძლევს ამ გადაწყვეტილებას. არჩევნების შემდეგ პირველ ვიზიტს სიმბოლური მნიშვნელობა აქვს, ამ ვიზიტის აზერბაიჯანში განხორციელება მეტად მნიშვნელოვანია ჩვენთვის. საქართველოს პრემიერმაც არჩევნების შემდეგ პირველი ვიზიტი განახორციელა აზერბაიჯანში, ამისთვის მადლობლები ვართ. ახალ წარმატებებს გისურვებთ“,- აღნიშნა ალიევმა.