,ქართული ენის სწავლება რომ გამოაცხადეს სავალდებულოდ ბაკალავრის დონეზე, რამხელა ტყუილი და ფარისევლობაა ეს, - ამის შესახებ კოალიცია ,,ხალხისთვის - ძლიერი საქართველოს“ ერთ-ერთმა ლიდერმა, ანა დოლიძემ განაცხადა.

მისი თქმით, მომსახურების სფეროში ძალიან მომრავლებულია ადამიანთა რიცხვი, რომელმაც არცერთი ენა არ იცის.

,,ქართული ენის სწავლება რომ გამოაცხადეს სავალდებულოდ ბაკალავრის დონეზე, რამხელა ტყუილი და ფარისევლობაა ეს. რა თქმა უნდა, ქართული ენის სწავლებას არაფერი არ სჯობს, სავალდებულოც უნდა იყოს, კარგადაც უნდა იცოდე ქართული, მაგრამ აი, გუშინაც შემხვდა ტაქსის მძღოლი, რომელმაც ქართული ენა კი არა, არცერთი ენა არ იცოდა. ასეთ დღეშია საქართველოში მომსახურების სფეროს ძალიან დიდი ნაწილი. მომსახურების სფეროში ძალიან მომრავლებულია იმ ადამიანთა რიცხვი, რომლებმაც არც ერთი ენა არ იციან. ქართული, რა თქმა უნდა, არ იცის. რა ბაკალავრზე ქართული ენას ვასწავლი, სისულელე, რა პრობლემებს ეტაკებიან, სადაც არ არსებობს პრობლემა. პრობლემა არის, გაიხედეთ აჭარაში, სადაც ნიშნებიც კი, ირღვევა კანონი ქართული ენის შესახებ და ნიშნებიც კი აღარ არის ქართულად, სადაც მომსახურე დონეზე აღარაა ქართული, ხშირად არის რუსულად. ეს ძალიან სერიოზული პრობლემაა. უბრალოდ ეს არის პრობლემა, რომელიც “ქართულმა ოცნებამ’’ შექმნა, ზუსტად ეს არის პრობლემა. სხვაგან ებრძვის პრობლემას იმიტომ, რომ ამ პრობლემის მოგვარება მას არ უნდა. არ დაგვავიწყდეს - “ქართულ ოცნებას’’ უნდა, რომ ჩვენ აქ საერთოდ აღარ ვიცხოვროთ, აქ რომ ვცხოვრობთ და ხმას ვიღებთ, ეს მათთვის პრობლემაა. ამას უნდა დავუპირისპიროთ ის, რაზეც მე ვსაუბრობ - მედეგობა”, - განაცხადა ანა დოლიძემ, რომლის კომენტარსაც პრესსამსახური ავრცელებს.