რუსთაველის გამზირზე საავტომობილო მოძრაობა აღდგა.

კერძოდ, საავტომობილო გზაზე გადაადგილება მას შემდეგ აღდგა, რაც პოლიციამ გზის სავალი ნაწილიდან აქციის მონაწილეები ძალის გამოყენებით გადაიყვანა.

აქციის მონაწილეებსა და სამართალდამცველებს შორის მომხდარი დაპირისპირებისას, სავარაუდოდ პოლიციამ ორი პირი დააკავა, ინფორმაციას „ინტერპრესნიუსი“ შინაგან საქმეთა სამინისტროში აზუსტებს.

გარდა ამისა, ჯგუფი "ფარი" ავრცელებს ინფორმაციას, რომ დაკავებულთა შორის არის თავდაცვის სამინისტროს ადამიანური რესურსების დეპარტამენტის ყოფილი უფროსი, საჯარო მმართველობის ექსპერტი, დავით გუნაშვილი. მათივე ცნობით, "ადვოკატები ჩართული არიან პროცესში, მიმდინარეობს გადაყვანის ადგილის დადგენა".