ნარკოდანაშაულში ბრალდებულ 22 წლის თედო აბრამოვის საქმის პროკურორის, ნუგზარ ჭიტაძის თქმით, მას საქმეზე ექსპერტიზის დასკვნა აქვს წარმოდგენილი, რომლის მიხედვითაც, ნარკოტიკის შესაფუთ მასალაზე აბრამოვის ბიოლოგიური კვალი ამოვიდა.

ამ წუთებში თბილისის საქალაქო სასამართლოში აღნიშნულ საქმეზე სხდომა მიმდინარეობს.

დღევანდელ პროცესზე პროკურატურას ორი პოლიციელი ჰყავს წარმოდგენილი, რომელთაც, აბრამოვის სახლის ჩხრეკა ჩაატარეს, თუმცა, იქიდან ნარკოტიკული საშუალება არ ამოუღიათ.

თედო აბრამოვი ბრალს არ აღიარებს. მისი ადვოკატის ინგა ჯაბანიშვილის განმარტებით, ბრალდებულს არანაირი ნარკოტიკული საშუალება არ ჰქონია. ამასთან ადვოკატის თქმით, პირადი ჩხრეკის და დაკავების დროს მისი უფლებები დაირღვა.

დღევანდელ პროცესს ესწრებიან გერმანიის საელჩოს წარმომადგენლებიც.

ცნობისთვის, თედო აბრამოვი სამართალდამცავებმა 7 დეკემბერს დააკავეს.

თედო აბრამოვს ბრალდება სისხლის სამართლის კოდექსის 260-ე მუხლის მე-6 ნაწილით მიმდინარეობს, რაც განსაკუთრებით დიდი ოდენობით ნარკოტიკული საშუალების შეძენა, შენახვა ტარებას გულისხმობს.

ბრალის მიხედვით აბრამოვის პირადი ჩხრეკისას სამართალდამცავებმა ნარკოტიკული საშუალება 5 გრამამდე „მდმა“ ამოიღეს.

აღნიშნული ქმედება 8-დან 20 წლამდე ან უვადო თავისუფლების აღკვეთას ითვალისწინებს.