პარლამენტის თავმჯდომარე შალვა პაპუაშვილი „დოიჩე ველეს“ მიერ, სიტყვის თავისუფლების დარგში, საქართველოს საზოგადოებრივი მაუწყებლის ყოფილი გენერალური დირექტორის, თამარ კინწურაშვილისთვის პრემიის მინიჭებას ეხმაურება.

როგორც პაპუაშვილი სოციალურ ქსელში წერს, “სწორედ ეს არის ზოგიერთი ევროპული ორგანიზაციის მხრიდან რეალობისგან მოწყვეტის და ქართველი ხალხის წუხილის ვერასდროს გაგების საუკეთესო მაგალითი“.

„გერმანულმა „დოიჩე ველემ“ სიტყვის თავისუფლების დარგში პრემია მიანიჭა სააკაშვილის რეჟიმის ერთ-ერთ მთავარ შემოქმედს, თამარ კინწურაშვილს. ადამიანს რომელიც იყო

▪ სააკაშვილის რეჟიმის საზოგადოებრივი მაუწყებლის მთავარი ცენზორი 2005-2009 წლებში!

▪ სააკაშვილის უშიშროების საბჭოს მდივნის მოადგილე 2010-2013 წლებში!

▪ სააკაშვილის რეჟიმის დამარცხების შემდეგ, მედიაში ყალბი ამბების და პროპაგანდისტული ნარატივის გავრცელების ერთ-ერთი მთავარი ხელშემწყობი“, - წერს პაპუაშვილი.