საქართველოს ბანკი ბიზნესებისთვის ინოვაციური ტექნოლოგიების განვითარებას აგრძელებს და მათ ლოიალური მომხმარებლების მოზიდვაში უჭერს მხარს. სწორედ ამ მიზნით, საქართველოს ბანკის Ads მენეჯერს კიდევ ერთი ფუნქციონალი — მობილბანკით გასააქტიურებელი შეთავაზება დაემატა.

მას შემდეგ, რაც ბიზნესი Ads მენეჯერში გასააქტიურებელ შეთავაზებას (ფასდაკლება, ქეშბექი ან PLUS ქულების დაგროვება) შექმნის, იგი საქართველოს ბანკის მობილბანკში გამოქვეყნდება. შეთავაზებით სარგებლობისთვის მომხმარებელმა აღნიშნული შეთავაზება ღილაკზე თითის დაჭერით უნდა გაააქტიუროს.

აქტივაციის შემდეგ, შეთავაზება მომხმარებლებისთვის ხელმისაწვდომი გახდება.

ბიზნესებს Ads მენეჯერში ამ ტიპის შეთავაზების შექმნისას შესაძლებლობა აქვთ, დააწესონ აქტივაციის მაქსიმალური რაოდენობა, (მაგ: ფასდაკლებით სარგებლობა შეძლოს მხოლოდ 500-მა მომხმარებელმა), რომლის მიღწევის შემდეგ, შეთავაზება შეწყდება.

„საქართველოს ბანკის Ads მენეჯერი მუდმივად განახლებადი პლატფორმაა და ვამაყობთ, რომ მას რეგიონში ანალოგი არ აქვს. ახლახან მას არაერთი საინტერესო ფუნქციონალი დავამატეთ. გასააქტიურებელი შეთავაზების მეშვეობით კი ბიზნესებს შესაძლებლობა მივეცით, ზუსტად გაიგონ, სასურველი სამიზნე აუდიტორიიდან რამდენმა მომხმარებელმა ისარგებლა შეთავაზებით, ამასთან, ლიმიტის დაწესებით, მისი მასშტაბურობა განსაზღვრონ. ჩვენ კი არ ვჩერდებით და ვაგრძელებთ როგორც Ads მენეჯერის, ისე ბიზნესის გაძლიერებაზე ორიენტირებული სხვა ტექნოლოგიური პროდუქტების განვითარებას“, - ამბობენ საქართველოს ბანკში.

გაიგეთ მეტი Ads მენეჯერის შესაძლებლობების შესახებ და ისარგებლეთ პლატფორმით ამ ბმულიდან. ცნობისთვის, პლატფორმაზე შესვლას შეძლებენ დირექტორები იმ მომხმარებლის სახელითა და პაროლით, რომელსაც ბიზნეს მობილბანკის ან ბიზნეს ინტერნეტბანკისთვის იყენებენ. ორგანიზაციის სხვა თანამშრომლებს კი შეთავაზების შექმნის უფლება დირექტორმა უნდა მიანიჭოს.

(R)