ავსტრალიის ფედერალურ არჩევნებში მმართველი „ლეიბორისტული პარტია“ იმარჯვებს, - ამის შესახებ ინფორმაციას სააგენტო Reuters-ი ავრცელებს.

ავსტრალიის სამაუწყებლო კორპორაციის, ABC-ის პროგნოზით, ქვეყნის საყოველთაო არჩევნებში პრემიერ-მინისტრ, ენტონი ალბანეზის მმართველი მემარცხენე-ცენტრისტული „ლეიბორისტული პარტია“ გაიმარჯვებს.

ამასთან, ABC-ის ცნობით, ოპოზიციური კონსერვატიული „ლიბერალურ-ნაციონალური კოალიციის“ ლიდერმა, პიტერ დატონმა საკუთარი მანდატი დაკარგა.

ავსტრალიის საარჩევნო კომისიის წინასწარი მონაცემებით, „ლეიბორისტულ პარტიას“ ხმების 55.94% აქვს, ხოლო „ლიბერალურ-ნაციონალურ კოალიციას“ 44%.