ირაკლი კობახიძე - ესტონეთის მიერ დაწესებული სანქციები უკიდურესად არამეგობრული ნაბიჯია, მაგრამ ცალმხრივი მეგობრობის რეჟიმში ვრჩებით, ეს არის ჩვენი პოლიტიკური გადაწყვეტილება
ესტონეთის მიერ დაწესებული სანქციები არის უკიდურესად არამეგობრული ნაბიჯი, - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.
როგორც მთავრობის მეთაურმა აღნიშნა, საქართველო რჩება ესტონეთთან ცალმხრივი მეგობრობის რეჟიმში.
„ესტონეთს აქვს სანქციები მანამდეც დაწესებული, რაც არის უკიდურესად არამეგობრული ნაბიჯი ქართველი ხალხის მიმართ, ჩვენი ქვეყნის მიმართ, მაგრამ ჩვენ ვრჩებით ცალმხრივი მეგობრობის რეჟიმში, ეს არის ჩვენი პოლიტიკური გადაწყვეტილება“, - განაცხადა ირაკლი კობახიძემ.
