ადამიანებს, რომლებიც პარლამენტის საგამოძიებო კომისიის სხდომაზე არ მივიდნენ, ზოგიერთი დიპლომატი და უცხოელი პოლიტიკოსი იმედს აძლევდა, რომ თუ კონსტიტუციისა და კანონის წინააღმდეგ წავლენ, გადაეფარებიან და დაიცავენ - მინდა ამ ადამიანებს ვუთხრა: - არ გქონდეთ არავის იმედი! - ეს განცხადება დღეს მედიასთან პარლამენტის თავმჯდომარემ შალვა პაპუაშვილმა გააკეთა.

როგორც პაპუაშვილმა აღნიშნა, დროებითი საგამოძიებო კომისია პარლამენტის მანდატით მოქმედებს და დაბარების შემთხვევაში, ყველამ ნება უნდა იბოძოს და კომისიის სხდომაზე მივიდეს.

აქვე პაპუაშვილმა დასძინა, რომ კანონმდებლობის წინააღმდეგ წასვლა ქართველი ხალხის წინააღმდეგ წასვლას ნიშნავს.

„მათ [საგამოძიებო კომისიაზე არ მისულ პირებს] არჩევანი ჰქონდათ, წასულიყვნენ ქართველი ხალხის წინააღმდეგ, თუ წასულიყვნენ რომელიღაც დიპლომატების წინააღმდეგ. არჩევანი გააკეთეს, რომ ქართველი ხალხის წინააღმდეგ წასულიყვნენ. შესაბამისს პასუხსაც მიიღებენ არჩევნებზე ქართველი ხალხისგან და რა თქმა უნდა, ჩვენი კანონმდებლობისგანაც“, – განაცხადა შალვა პაპუაშვილმა.