პაკისტანმა სარაკეტო დარტყმები სამხედრო და სამოქალაქო ობიექტებზე განახორციელა, - ამის შესახებ ინდოეთის შეიარაღებული ძალები აცხადებს.

ინდოეთის საავიაციო ფრთის მეთაურმა, ვიომიკა სინგმა განაცხადა, რომ პაკისტანის სარაკეტო იერიშების სამიზნე სამხედრო და სამოქალაქო ინფრასტრუქტურა, ასევე, ქაშმირის ინდოეთის მიერ კონტროლირებად ნაწილში მდებარე სამედიცინო და საგანმანათლებლო ობიექტები იყო.

მისი თქმით, პაკისტანის მიერ დღეს განხორციელებულ შეტევებს ინდოეთმა „ეფექტურად უპასუხა და პაკისტანის ინფრასტრუქტურას მნიშვნელოვანი ზიანი მიაყენა.

„პაკისტანელი ჯარისკაცები საზღვრის გასწვრივ გადაადგილდებიან, რაც შემდგომი ესკალაციის მიზნით თავდასხმითი მოქმედებების განზრახვაზე მიუთითებს“, - აღნიშნა ინდოეთის საავიაციო ფრთის მეთაურმა.