ბათუმში ოჯახის სიწმინდისა და მშობლების პატივისცემის დღე აღნიშნეს.

მოქალაქეები ბათუმის ღვთისმშობლის შობის საკათედრო ტაძრის ეზოში შეიკრიბნენ და საზეიმო მსვლელობა გამართეს.

მსვლელობის მონაწილეებმა ბათუმის განმათავისუფლებელ მემორიალთან გადაინაცვლეს, სადაც პარაკლისი აღევლინა.

მსვლელობას აჭარის მთავრობის, ბათუმის მერიისა და უმაღლესი საბჭოს წარმომადგენლებიც შეუერთდნენ.

17 მაისი ოჯახის სიწმინდის დღედ 2014 წელს სრულიად საქართველოს კათოლიკოს-პატრიარქმა, ილია მეორემ გამოაცხადა.