აზერბაიჯანი უკრაინისთვის ჰუმანიტარული დახმარების გაწევას მომავალშიც გააგრძელებს, - აზერბაიჯანული მედიის ცნობით, ამის შესახებ რესპუბლიკის პრეზიდენტმა, ილჰამ ალიევმა უკრაინის საგარეო საქმეთა მინისტრ ანდრეი სიბიგასთან შეხვედრაზე განაცხადა.

მათივე ინფორმაციით, შეხვედრაზე აღინიშნა, რომ აზერბაიჯანი და უკრაინა მუდმივად უჭერენ მხარს ერთმანეთის ტერიტორიულ მთლიანობასა და სუვერენიტეტს.

ცნობისთვის, უკრაინის საგარეო საქმეთა მინისტრი, ანდრეი სიბიგა აზერბაიჯანში იმყოფება და შეხვედრებს მართავს.