„ძლიერ საქართველოში“ აცხადებენ, რომ ბათუმში აქციაზე კოალიციის ახალგაზრდული ორგანიზაციის წევრი ლუკა ნაცვლიშვილი დააკავეს
ბათუმში, აქციაზე „ძლიერი საქართველოს” ახალგაზრდული ორგანიზაციის წევრი, ლუკა ნაცვლიშვილი დააკავეს. ამის შესახებ „ძლიერ საქართველოში” განაცხადეს.
„პოლიციამ გაურკვეველი მიმართულებით წაიყვანა. სხვა დეტალები არ ვიცით“, - აცხადებენ კოალიციაში.
ასევე, აქციის მონაწილეები პოლიციის შენობასთან მივიდნენ და ლუკა ნაცვლიშვილის გათავისუფლებას ითხოვენ. მათი თქმით, უცნობია, რატომ მოხდა მისი დაკავება.
“არ ვიცით რისთვის დააკავეს, ადვოკატიც ვერ ახერხებს შესვლას, ვითხოვთ განმარტებას სამართალდამცავებისაგან”,- ამბობენ აქციის მონაწილეები.
დამატებით დეტალებს „ინტერპრესნიუსი“ შინაგან საქმეთა სამინისტროში არკვევს.
