პოლიციელს, რომელსაც თავის ხასიათში, ხასიათის თვისებად უზის თავგანწირვა თავისი მოქალაქეებისა და სამშობლოსადმი, ბუნებრივია, უნდა მივულოცოთ თითოეულ მათგანს დღევანდელი დღე, - ამის შესახებ საპარლამენტო უმრავლესობის ლიდერმა, "ქართული ოცნების" აღმასრულებელმა მდივანმა, მამუკა მდინარაძემ, პოლიციელის დღისადმი მიძღვნილი ღონისძიების დასრულების შემდეგ, ჟურნალისტებს განუცხადა.

მდინარაძის თქმით, პოლიციელებს სულში აქვთ გმირობა და ამიტომ იმსახურებენ ისინი პატივისცემას და დაფასებას საზოგადოებისა და ქვეყნისაგან.

„ამიტომ არიან ისინი გმირები და ამიტომ იმსახურებენ პატივისცემას საზოგადოებისაგან და დაფასებას თავისი ქვეყნისაგან. ვულოცავ იმ ადამიანებს, რომლებსაც სულში და გულში უზით გმირობა და წარმატებას ვუსურვებ მათ და მათი ოჯახის წევრებს მთელი ცხოვრების განმავლობაში. ჩემთვის განსაკუთრებით სენსიტიურია მათი პროფესიული წარმატება, განსაკუთრებით დიდ პატივს ვცემ, მათ შორის, იმის გამო, რომ წარსულში ეს ჩემი პროფესია გახლდათ. კიდევ ერთხელ, დიდი პატივისცემა და მილოცვა ჩემგან მათ, " - განაცხადა მამუკა მდინარაძემ.