Ipsos-ის მიერ ჩატარებული ეგზიტპოლის თანახმად, კვირას პოლონეთში გამართული საპრეზიდენტო არჩევნების მეორე ტურში კონსერვატორი კანდიდატი, კაროლ ნავროცკი 51%-ით ლიდერობს, - ინფორმაციას Reuters-ი ავრცელებს.

ამავე ეგზიტპოლის თანახმად, ნავროცკის მეტოქემ, ვარშავის ლიბერალმა მერმა, რაფალ ტრჟასკოვსკიმ ამომრჩევლების ხმების 49% მიიღო.

განსხვავებულია ხმის მიცემის დასრულებისთანავე გამოქვეყნებული ეგზიტპოლის მონაცემები, რომლის თანახმად, ნავროცკიმ ხმების 49.7%-ი მოიპოვა, ტრჟასკოვსკიმ კი - 50.3%.

არჩევნების ოფიციალური შედეგები დღეს გახდება ცნობილი.