მეხუთე პრეზიდენტი სალომე ზურაბიშვილი “ლელო-ძლიერი საქართველოს” ლიდერებთან შეხვედრას მართავს.
შეხვედრა ზურაბიშვილის ოფისში რამდენიმე წუთის წინ დაიწყო. შეხვედრას ესწრებიან: ბადრი ჯაფარიძე და მამუკა ხაზარაძე.
“ლელოს” ლიდერებს შეხვედრამდე მედიასთან კომენტარი არ გაუკეთებიათ. ბადრი ჯაფარიძემ აღნიშნა, რომ სამუშაო შეხვედრაზე მოვიდნენ.
“მოვედით სამუშაო შეხვედრაზე. ბევრ საკითხზე ვისაუბრებთ”, - განაცხადა ჯაფარიძემ მედიასთან.
როგორც “ლელოს” ლიდერებმა განაცხადეს, კომენტარს შეხვედრის დასრულების შემდეგ გააკეთებენ და გააჟღერებენ, რა საკითხებზე ჰქონდათ მსჯელობა პოლიტიკოსებს.
არსებული ინფორმაციით შეხვედრის მთავარი თემაა ადგილობრივი თვითმმართველობის არჩევნები, რომელიც მიმდინარე წლის ოქტომბერშია ჩანიშნული.
