პოლიტიკური თანამდებობის პირის შეურაცხყოფის საქმეზე, ადმინისტრაციულ პასუხისგებაში მიცემული ჟურნალისტი ვახო სანაია მოსამართლემ ადმინისტრაციულ სამართალდამრღვევად ცნო და 4000 - ლარიანი ჯარიმა დააკისრა.

დღევანდელ სასამართლო პროცესს თავად ვახო სანაია არ დასწრებია. როგორც სანაია სოციალურ ქსელში წერს, 4000 ლარით ის "ფეისბუქ პოსტის" გამო დააჯარიმეს.

ცნობისთვის, შს სამინისტრო პოლიტიკოსებს, ჟურნალისტებსა და აქტივისტებს ადმინისტრაციულ სამართალდარღვევათა კოდექსის 173-16 პრიმა მუხლის დარღვევას ედავება, რომელიც პოლიტიკური თანამდებობის პირის შეურაცხყოფას გულისხმობს. მუხლი სასჯელის სახედ 1500 ლარიდან - 4000 ლარამდე ჯარიმას, ან ადმინისტრაციული პატიმრობას 45 დღემდე ვადით ითვალისწინებს.