დასავლეთის ქვეყნები უკრაინაში ცეცხლის დაუყოვნებლივ, წინაპირობების გარეშე შეწყვეტას ითხოვენ, - ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.

„გახსოვთ, როგორ დაიწყო ეს ყველაფერი? რუსეთს ბრძოლის ველზე სტრატეგიული მარცხი უნდა მიადგეს - უბრალოდ ყვიროდნენ, ისტერიკამდე. გარკვეული დროის შემდეგ ლოზუნგი შეიცვალა და ხმამაღლა განაცხადეს, რომ რუსეთმა უკრაინაში არ უნდა გაიმარჯვოს. ახლა ისინი მოითხოვენ, ითხოვენ, იხვეწებიან დაუყოვნებლივ ცეცხლის შეწყვეტას წინაპირობების გარეშე“, - განაცხადა რუსეთის საგარეო საქმეთა მინისტრმა.

მან ჩრდილოეთ ატლანტიკურ ალიანსზეც ისაუბრა და ხაზი გაუსვა, რომ რუსეთი ხედავს რისკებს ნატო-ს მცდელობაში, პოზიციები გაიმყაროს სამხრეთ კავკასიის, ახლო აღმოსავლეთის, ცენტრალური აზიისა და არქტიკის რეგიონებში.

„შეუძლებელია არ დაინახო რისკები იმაში, რომ ნატო სცილდება თავისი ტრადიციული პასუხისმგებლობის ზონას და ცდილობს პოზიციები გაიმყაროს ახლო აღმოსავლეთში, სამხრეთ კავკასიაში, ცენტრალურ აზიასა და არქტიკაში“, - განაცხადა ლავროვმა.