სოლიდარობას ვუცხადებთ ყველა დაკავებულ პოლიტიკოსს, რომელთაც პატიმრობა მიესაჯათ. ხელისუფლების ქმედებები და ოპოზიციური პარტიების ლიდერების დაკავებები დარტყმას აყენებს საქართველოს ევროპულ კურსს, დემოკრატიულ პროცესს და აზიანებს ქვეყნის იმიჯს,- ამის შესახებ პარტია „ევროპელი დემოკრატების“ თავმჯდომარემ პაატა დავითაიამ განაცხადა.

მისივე თქმით, პოლიტიკოსების დაკავება პარტნიორების თვალში აღიქმება, როგორც პოლიტიკური ოპონენტების დევნა.

„პოლიტიკოსების გიორგი ვაშაძის, ირაკლი ოქრუაშვილის, ზურაბ ჯაფარიძის, ნიკა მელიას, ნიკა გვარამიას, მამუკა ხაზარაძის, ბადრი ჯაფარიძის დაკავება პარტნიორების თვალში აღიქმება, როგორც პოლიტიკური ოპონენტების დევნა და ქმნის კრიზისს, რომელიც ქვეყანას ჩიხურ მდგომარეობაში შეიყვანს. მოვუწოდებ ხელისუფლებას აიღოს პასუხისმგებლობა შექმნილ პროცესსა და მოვლენების განვითარებაზე“,- აცხადებს პაატა დავითაია.