თბილისის საქალაქო სასამართლოში პარლამენტთან მიმდინარე საპროტესტო აქციების დროს ჯგუფური ძალადობის ორგანიზების და მასში მონაწილეობის ბრალდებით დაკავებულ ზვიად ცეცხლაძისა და კიდევ შვიდი პირის სასამართლო პროცესი მიმდინარეობს.

ამ წუთებში ჰაბიდოსკოპიური ექსპერტი ეკატერინე ყუფარიძე იკითხება, რომელიც აცხადებს, რომ მას გამოძიების ფარგლებში დისკები გადასცეს, რომ კადრებში ასახული პირების იდენტიფიცირება მოეხდინა. მისი თქმით, კადრებში იდენტიფიცირებულები იყვნენ ბრალდებულები ვეფხია კასრაძე და ვასილ კაძელაშვილი.

სასამართლო პროცესს ესწრებიან ბრალდებულებიც.

ცნობისთვის, დაკავებულებიდან სამს - ზვიად ცეცხლაძეს, ვეფხია კასრაძესა და ვასილ კაძელაშვილს ჯგუფური ძალადობის ორგანიზებასა და ხელმძღვანელობას ედავებიან. მათ 6-დან 9-წლამდე თავისუფლების აღკვეთა ემუქრებათ.

ბრალდებულებიდან ხუთს - გიორგი გორგაძეს, ირაკლი მიმინოშვილს, ინსაფ ალიევს, თორნიკე გოშაძეს და ნიკოლოზ ჯავახიშვილს ჯგუფურ ძალადობაში მონაწილეობას ედავებიან. მათ 4-დან 6-წლამდე თავისუფლების აღკვეთა ემუქრებათ.