რუსებმა ხარკოვის ოლქის ქალაქ ჩუგუევზე მასშტაბური საჰაერო დარტყმა განახორციელეს - ამ დროისთვის ცნობილია 11 დაშავებულის შესახებ, მათ შორის 2 ბავშვია
რუსებმა ხარკოვის ოლქის ქალაქ ჩუგუევზე მასშტაბური საჰაერო დარტყმა განახორციელეს, თავდასხმის შედეგად ხანძარი გაჩნდა და შენობები დაზიანდა.
სახელმწიფო საგანგებო სიტუაციების სამსახურის ცნობით, ამ დროისთვის ცნობილია 11 დაშავებულის შესახებ, მათ შორის 2 ბავშვია.
უკრაინული მედიის ინფორმაციით, უპილოტო საფრენი აპარატების თავდასხმის შედეგად რამდენიმე ადგილას ხანძარი გაჩნდა, სახლები და ავტომობილები დაზიანდა.
რუსებმა ასევე თავს დაესხნენ დნეპროპეტროვსკის ოლქს. რეგიონული სახელმწიფო ადმინისტრაციის ხელმძღვანელის, სერგეი ლისაკის თქმით, ოლქში თავდასხმის შედეგად სამი ადამიანი დაშავდა - ორი ქალი და ერთი მამაკაცი.
