ბათუმის საქალაქო სასამართლოში, გამოცემა „ბათუმელებისა“ და „ნეტგაზეთის“ დამფუძნებლის მზია ამაღლობელის სისხლის სამართლის საქმეზე სხდომა დღეს 13:00 საათზე განახლდება.

დღევანდელ პროცესზე ადვოკატების მიერ წარმოდგენილი მოწმის გამოკითხვა მოხდება.

წინასასამართლო სხდომაზე გამოცემა “ბათუმელების” მთავარი რედაქტორი ეთერ თურაძე გამოიკითხა.

საქმეს მოსამართლე ნინო სახელაშვილი განიხილავს.

ცნობისთვის, გამოცემა “ბათუმელებისა” და “ნეტგაზეთის” დამფუძნებელს გამოძიება პოლიციელზე თავდასხმას ედავება.