ბათუმის საქალაქო სასამართლოში გამოცემა “ბათუმელებისა” და “ნეტგაზეთის” დამფუძნებლის მზია ამაღლობელის სისხლის სამართლის საქმეზე პროცესი დასრულდა.

სასამართლოს ჩვენება მისცა ბრალდებულმა მზია ამაღლობელმა.

პარალელურად, შენობასთან მზია ამაღლობელის მხარდამჭერები საპროტესტო აქციას მართავდნენ, შეძახილებით: „თავისუფლება მზიას“.

დღევანდელ სასამართლო პროცესზე დაცვის მხარის მიერ წარმოდგენილი ვიდეო მტკიცებულებების განხილვა მოხდა.

სასამართლო პროცესს ევროკავშირის ოფისის, დანიის, შვედეთის, ესტონეთის და საფრანგეთის საელჩოების წარმომადგენლები დაესწრნენ.

დღევანდელ პროცესზე ბათუმის საქალაქო სასამართლოს მოსამართლე ნინო სახელაშვილმა არ დააკმაყოფილა, ადვოკატების შუამდგომლობა, რომლებიც მოითხოვდნენ საქართველოს პრემიერ-მინისტრის ირაკლი კობახიძისა და “ქართული ოცნების” წევრის ნინო წილოსანის მოწმის სახით გამოკითხავას.

გამოცემა „ბათუმელების“ ჟურნალისტების ინფორმაციით, მზია ამაღლობელის მხარდასაჭერად საპროტესტო აქცია-მსვლელობა იგეგმება.