თუ რუსეთთან 50 დღის განმავლობაში შეთანხმებას ვერ მივაღწევთ, მაშინ მოსკოვს 100%-მდე ტარიფებს დავუწესებთ, - ამის შესახებ აშშ-ის პრეზიდენტმა, დონალდ ტრამპმა თეთრ სახლში ნატო-ს გენერალურ მდივანთან, მარკ რუტესთან შეხვედრისას განაცხადა.

„ჩვენ ძალიან მკაცრ ტარიფებს დავაწესებთ, თუ 50 დღეში შეთანხმებას ვერ მივაღწევთ, დაახლოებით 100%-იან ტარიფებს, მეორად ტარიფებს, თქვენ იცით, რას ნიშნავს ეს“, - განაცხადა დონალდ ტრამპმა.

მისი თქმით, რუსეთის პრეზიდენტით, ვლადიმერ პუტინით „ძალიან იმედგაცრუებულია“.

„ვფიქრობდი, რომ შეთანხმებას ორი თვის წინ მივაღწევდით, მაგრამ, როგორც ჩანს, ეს ასე არ მოხდა“, - აღნიშნა აშშ-ის პრეზიდენტმა.