„სადგურის მოედნის“ მიმდებარედ ერთ-ერთ საცხოვრებელი კორპუსის ნაწილის ნგრევის ადგილზე სამუშაოები გრძელდება.

ადგილზე კვლავ მობილიზებულია შინაგან საქმეთა სამინისტროს თანამშრომლები, მათ კორპუსის მიმდებარე ტერიტორია შემოღობილი აქვთ და მოქალაქეებს ავარიულ კორპუსთან მიახლოების საშუალებას არ აძლევენ.

ასევე გრძელდება კორპუსის მობინადრეთა გასახლების პროცედურებიც.

ცნობისთვის, 14 ივლისს, საღამოს „სადგურის მოედნის“ მიმდებარე ტერიტორიაზე საცხოვრებელი კორპუსის სახურავის ნაწილი ჩამოინგრა, შემთხვევას 2 ადამიანის სიცოცხლე ემსხვერპლა, ხოლო ერთი პირი სამედიცინო დაწესებულებაშია მოთავსებული.

ასევე, მომხდარიდან მალევე, საცხოვრებელი კორპუსის მცხოვრებთა გასახლებაც დაიწყო, რომლებიც ალტერნატიულ საცხოვრებლებში გადაიყვანეს.