ბათუმში, ერთ-ერთ რესტორანში, ცეცხლსასროლი იარაღით მოკლული უცხო ქვეყნის მოქალაქის ცხედარი ექსპერტიზის ბიუროში გადაასვენეს.

რესტორნის შიდა და გარე პერიმეტრზე სამართალდამცავები და ექსპერტ-კრიმინალისტები საგამოძიებო მოქმედებებს აგრძელებენ.

ასევე, ადგილზე მობილიზებულია სასწრაფო-სამედიცინო დახმარების ბრიგადა, თუმცა დაშავებულების შესახებ ინფორმაცია არ ვრცელდება.

ნინოშვილის ქუჩის დასაწყისში სატრანსპორტო მოძრაობა შეზღუდულია, საგამოძიებო მოქმედებების გამო, ტერიტორია სამართალდამცავებს გადაკეტილი აქვთ.

მომხდართან დაკავშირებით შინაგან საქმეთა სამინისტრომ გამოძიება ორი მუხლით დაიწყო.