ვოლოდიმირ ზელენსკიმ 16 ახალი ელჩი დანიშნა
უკრაინის პრეზიდენტმა ვოლოდიმირ ზელენსკიმ 16 ელჩის დანიშვნის შესახებ განაცხადა, - ინფორმაციას უკრაინული მედია ავრცელებს.
ზელენსკიმ თქმით, 21 ივლისის დილით შეხვედრა გამართა უკრაინის საგარეო საქმეთა მინისტრთან, ანდრეი სიბიგასთან და პრეზიდენტის ადმინისტრაციის გუნდთან.
პრეზიდენტის ინფორმაციით, მათ დაასრულეს უკრაინის ელჩების კანდიდატების შერჩევის პროცესი და 16 ელჩის დანიშვნა გამოაცხადეს. ზელენსკიმ არ დააკონკრეტა, თუ ვისზეა საუბარი.
„თითოეულისთვის განვსაზღვრეთ პირადი ამოცანები და შედეგების შეფასების კრიტერიუმები. დღესვე ელჩებთან შეხვედრის ფორმატში განვსაზღვრავთ უკრაინული დიპლომატიის ძირითად პრიორიტეტებს მომდევნო ექვსი თვის განმავლობაში“, – განაცხადა ზელენსკიმ.
