გერმანია უკრაინისთვის Patriot-ის სისტემების გადაცემის შესახებ აშშ-ის გადაწყვეტილებას ელოდება, - ამის შესახებ გერმანიის კანცლერმა, ფრიდრიხ მერცმა განაცხადა.

„ჩვენ მათ გადავცემთ და შემდეგ ჩავანაცვლებთ. თუმცა, სათადარიგო სისტემები ჯერ რეალურად შეძენილი არ არის. ახლა აშშ-ის მთავრობასთან მიმდინარეობს მოლაპარაკებები იმის შესახებ, თუ საიდან მოხდება ჩანაცვლება“, - განაცხადა ფრიდრიხ მერცმა.

მისი თქმით, აშშ-ის ადმინისტრაციამ გერმანიისა და ევროკავშირისთვის Patriot-ის სისტემების გადაცემის ვალდებულება აიღო, რომლებიც შემდეგ უკრაინაში უნდა ჩავიდეს.

ცნობისთვის, გუშინ გერმანიის თავდაცვის მინისტრმა, ბორის პისტორიუსმა განაცხადა, რომ ვაშინგტონში ვიზიტის დროს, პენტაგონის ხელმძღვანელ პიტ ჰეგსეთთან უკრაინისთვის Patriot-ის ხუთი საზენიტო-სარაკეტო სისტემის მიწოდების შესახებ შეთანხმდა.