დონალდ ტრამპი - ემანუელ მაკრონი ძალიან კარგი ადამიანია, ის მომწონს, მაგრამ პალესტინის სახელმწიფოს აღიარებაზე განცხადებას წონა არ აქვს - ეს არაფერს შეცვლის
საფრანგეთის მიერ პალესტინის სახელმწიფოს აღიარებას კონფლიქტზე გავლენა არ ექნება. ასეთი კომენტარი გააკეთა აშშ-ის პრეზიდენტმა, დონალდ ტრამპმა საფრანგეთის პრეზიდენტის, ემანუელ მაკრონის განცხადებაზე, რომ პარიზი სექტემბერში გაეროს გენერალურ ასამბლეაზე პალესტინის სახელმწიფოს აღიარებს.
“ნახეთ, ის განსხვავებული ტიპის ადამიანია. ის კარგია. გუნდური მოთამაშეა, საკმაოდ. კარგი ამბავია: მნიშვნელობა არ აქვს ის რას ამბობს. ეს არაფერს შეცვლის…
მათ განცხადება გააკეთეს, საფრანგეთმა, მაკრონმა. განცხადებას არავითარი წონა არ აქვს. ძალიან კარგი ადამიანია. მომწონს ის. მაგრამ ამ განცხადებას წონა არ აქვს”, - განაცხადა ტრამპმა.
შეგახსენებთ, საფრანგეთის პრეზიდენტმა, ემანუელ მაკრონმა განაცხადა, რომ პალესტინის სახელმწიფოს დამოუკიდებლობის აღიარების გადაწყვეტილება მიიღო.
