არ ვაპირებთ არანაირ შეწყალებაზე მივმართოთ ე.წ. პრეზიდენტს!,- ამის შესახებ საპროტესტო აქციაზე დაკავებულმა ირაკლი ქერაშვილმა სასამართლო სხდომაზე განაცხადა.

ირაკლი ქერაშვილის თქმით, ის უერთდება სხვა ბრალდებულების უარს შეწყალებით მიმართვაზე და ბოდიში მოხდაზე.

„არ ვაპირებთ არანაირ შეწყალებაზე მივმართოთ ე.წ. პრეზიდენტს!

მინდა დავამატო, რომ დღეს რაც არ უნდა გამაღიზიანებელი იყოს მოწმის საუბარი, მინდა, შეინარჩუნოთ სიმშვიდე, ვინაიდან ჩვენი აქ ყოფნის მიზეზი ხართ თქვენ და თქვენი ნახვა”,- განაცხადა ირაკლი ქერაშვილმა.

ცნობისთვის, პარლამენტთან მიმდინარე საპროტესტო აქციების დროს, ჯგუფურ ძალადობაში მონაწილეობის ბრალდებით 11 პირი დააკავეს.

დაკავებულებს - ანდრო ჭიჭინაძეს, ონისე ცხადაძეს, ჯანო არჩაიას, რუსლან სივაკოვს, ლუკა ჯაბუას, გურამ მირცხულავას, ვალერი თეთრაშვილს, გიორგი ტერიშვილს, ირაკლი ქერაშვილს, რევაზ კინაძესა და სერგეი კუხარჩუკს ბრალი საქართველოს სისხლის სამართლის კოდექსის 225-ე მუხლის მეორე ნაწილით წარედგინათ, რაც ჯგუფურ ძალადობაში მონაწილეობას გულისხმობს.

აღნიშნული დანაშაული სასჯელის სახედ და ზომად 4-დან 6 წლამდე თავისუფლების აღკვეთას ითვალისწინებს.