მზია ამაღლობელის ადვოკატი - არის საქმეები, 20 წელი შეიძლება გავიდეს და არ კარგავს აქტუალობას, თაობების განსახილველი ხდება - ესაა საქმე, რომელზეც თაობები ისაუბრებენ
მზია ამაღლობელის საქმე არის სარკე. ამ სარკეში როგორც კი ჩაიხედავ, გიჩვენებს, როგორ იყენებს ხელისუფლება ძალაუფლებას ბოროტად, - ამის შესახებ დაახლოებით 8-საათიანი დასკვნითი სიტყვის დროს მზია ამაღლობელის ადვოკატმა, მაია მწარიაშვილმა განაცხადა.
მისი თქმით, არის საქმეები, რომელიც დღევანდელი გადასახედიდან სხვანაირად ჩანს და ხვალინდელი გადასახედიდან -სხვაგვარად.
„ამის შემდეგ ბევრი წელი, მთელი საზოგადოება მოისმენს თქვენს განაჩენს, ამაში დარწმუნებული იყავით.
არის საქმეები, 20 წელი შეიძლება გავიდეს და არ კარგავს აქტუალობას, თაობების განსახილველი ხდება. ეს საქმე არის ასეთი, ესაა საქმე, რომელზეც თაობები ისაუბრებენ.
მზია ამაღლობელის გაწნული სილა არ იყო არც ხმამაღალი და არც დანაშაულებრივი. ერთსაც გვატყუებს ბრალდების მხარე და მეორესაც და ძალიან არ მინდა სასამართლომაც იგივე გაიმეოროს“, - განაცხადა მაია მწარიაშვილმა, რომლის სიტყვასაც „ბათუმელები“ ავრცელებს.
