აჭარის მთავრობის სახლთან მოქალაქეები საპროტესტო აქციას მართავენ. მათ გამსახურდიას ქუჩაზე სატრანსპორტო მოძრაობა გადაკეტეს. ისმის შეძახილები „თავისუფლება რეჟიმის” ტყვეებს.

"ბათუმელებისა" და "ნეტგაზეთის" დამფუძნებლის, მზია ამაღლობელის დღევანდელი პროცესის დასრულების შემდეგ, სასამართლოს ეზოში შეკრებილები ჯერ მარშით „ბათუმელების” ოფისთან მივიდნენ, შემდეგ კი აჭარის მთავრობის სახლთან გადაინაცვლეს.

აქციის მონაწილეები მოითხოვენ დაკავებულების დროულ გათავისუფლებას. ამბობენ, რომ აჭარის მთავრობის სახლთან მიმდინარე აქციის მონაწილეებს თბილისიდან და რეგიონებიდანაც შეუერთდნენ.

აჭარის მთავრობის სახლთან და საქართველოს საკონსტიტუციო სასამართლოსთან სამართალდამცავები არიან მობილიზებული.