გორში, ცაბაძის ქუჩაზე მდებარე ერთ-ერთი საცხოვრებელი კორპუსის სადარბაზოში მობინადრეებმა ახალგაზრდა მამაკაცის ცხედარი ნახეს.

კორპუსში მცხოვრებთა ინფორმაციით, მათ ახალგაზრდა ვერ ამოიცნეს, შესაბამისად, ვარაუდობენ, რომ გარდაცვლილი მიმდებარე ტერიტორიაზე მცხოვრები არ უნდა იყოს.

როგორც „ინტერპრესნიუსს“ შინაგან საქმეთა სამინისტროში განუცხადეს, მომხდარ ფაქტზე გამოძიება დაწყებულია საქართველოს სისხლის სამართლის კოდექსის 108-ე მუხლით(განზრახ მკვლელობა) და მიმდინარეობს ყველა საჭირო საგამოძიებო მოქმედებები.