2008 წლის რუსეთ-საქართველოს ომის მე-17 წლისთავთან დაკავშირებით, საქართველოს მთელს ტერიტორიაზე, ადმინისტრაციულ შენობებზე სახელმწიფო დროშები დაეშვა
2008 წლის რუსეთ-საქართველოს ომის მე-17 წლისთავთან დაკავშირებით, დაღუპულთა ხსოვნისთვის პატივის მიგების ნიშნად, ადმინისტრაციულ შენობებზე სახელმწიფო დროშები დაეშვა.
დროშები დაშვებულია, მათ შორის, საქართველოს მთავრობის ადმინისტრაციის, პარლამენტის, პრეზიდენტის სასახლის შენობებზე, ასევე, საზღვარგარეთ საქართველოს დიპლომატიურ წარმომადგენლობებში.
„მთავრობის განკარგულებით, რომელსაც ხელს აწერს პრემიერ-მინისტრი ირაკლი კობახიძე, საქართველოს აფხაზეთისა და ცხინვალის რეგიონების უკანონო ოკუპაციის მიზნით, რუსეთის მიერ საქართველოში განხორციელებული ფართომასშტაბიანი სამხედრო ინტერვენციის შედეგად დაღუპულთა ხსოვნის პატივსაცემად, საქართველოს მთელს ტერიტორიაზე, ადმინისტრაციული ორგანოების შენობებზე სახელმწიფო დროშები დაშვებულია,“ - აღნიშნულია საქართველოს მთავრობის მიერ გავრცელებულ ინფორმაციაში.
