თბილისის საქალაქო სასამართლომ პარლამენტთან, ადმინისტრაციული წესით, დაკავებულ აქტივისტ იოსებ ჯანდიერს 7-დღიანი ადმინისტრაციული პატიმრობა შეუფარდა.

შესაბამისი გადაწყვეტილება მოსამართლე ზვიად ცეკვავამ გამოაცხადა.

ჯანდიერი პოლიციამ პარლამენტის წინ 9 აგვისტოს დააკავა. აქტივისტი ადმინისტრაციულ სამართალდარღვევათა კოდექსის 166-ე და 173-ე მუხლებით იყო დაკავებული, რაც წვრილმან ხულიგნობასა და პოლიციის დაუმორჩილებლობას გულისხმობს.