აშშ-ის პენსილვანიის შტატში, ფოლადის მწარმოებელ კომპანია U.S. Steel-ის ქარხანაში აფეთქება მოხდა, არის მსხვერპლი, - ამის შესახებ ინფორმაციას სააგენტო Reuters-ი ავრცელებს.

Reuters-ის ცნობით, აფეთქება ქალაქ პიტსბურგის მახლობლად მდებარე U.S. Steel-ის ქარხანაში მოხდა, რის შედეგადაც ერთი ადამიანი დაიღუპა, რამდენიმე დაშავდა, ხოლო ორი ადამიანი დაკარგულად ითვლება.

ტელეკომპანია CBS-ის ინფორმაციით, ექიმებმა საავადმყოფოებში, სულ მცირე, შვიდი ადამიანი გადაიყვანეს.

ამასთან, ტელეკომპანია აცხადებს, რომ მაშველები ნანგრევებში მოყოლილი ადამიანების გამოყვანას ცდილობენ.

აფეთქების მიზეზი ჯერჯერობით უცნობია.