უკრაინის პრეზიდენტი ვოლოდიმირ ზელენსკი დღეს ბერლინს ეწვევა, - ამის შესახებ ინფორმაციას სააგენტო Reuters-ი გერმანიის მთავრობის წარმომადგენელზე დაყრდნობით ავრცელებს.

Reuters-ის ცნობით, ზელენსკი ბერლინში გერმანიის კანცლერთან, ფრიდრიხ მერცთან ერთად აშშ-ის პრეზიდენტთან, დონალდ ტრამპთან დაგეგმილ ვირტუალურ შეხვედრაში მიიღებს მონაწილეობას.

ფრიდრიხ მერცის მოწვევით დაგეგმილ ვირტუალურ შეხვედრაში აშშ-ისა და უკრაინის პრეზიდენტების გარდა, მონაწილეობას ნატო-ს გენერალური მდივანი, ფინეთის, საფრანგეთის, დიდი ბრიტანეთის, იტალიის, პოლონეთისა და ევროკავშირის ლიდერები მიიღებენ.

უკრაინულ მედიაში გავრცელებული ინფორმაციით, შეხვედრა კიევის დროით 15:00 საათზე (თბილისის დროით 16:00 საათი) დაიწყება.