გამოძიება ჩავატარეთ ობიექტურად და სრულყოფილად. ჩატარებული მტკიცებულებების საფუძველზე არ გამოკვეთილა, რომ იქ მყოფს დაზარალებულს ან სხვა პირს ჰქონდა დანა, - ამის შესახებ თორნიკე თოშხუასა და მინდია შერვაშიძის საქმის პროკურორმა, ნინო ჟვანიამ სასამართლო სხდომის დასრულების შემდეგ ჟურნალისტებს განუცხადა.

როგორც მან აღნიშნა, პროკურატურა გამოძიების მსვლელობისას ყველაზე მნიშვნელოვან მტკიცებულებას - ვიდეო კამერის ჩანაწერებს დაეყრდნო, ხოლო დანის არსებობის ვერსია, ჟვანიას თქმით, დაცვის მხარის ვერსიაა.

“პროკურატურამ საქმე ობიექტურად ჩაატარა. ჩატარებული საგამოძიებო მოქმედებების შედეგად არ გამოკვეთილა, რომ დაზარალებულს თან ჰქონდა დანა. აღნიშნული არ დასტურდება საქმეში წარმოდგენილი არცერთი მტკიცებულებით. ეს არის მხოლოდ დაცვის მხარის მიერ წამოყენებული ვერსია, რომელსაც არ აქვს საფუძველი. ამ მიმართულებით პროკურატურამ, რა საკვირველია, იმუშავა. ბრალდების მხარემ გამოითხოვა ყველაზე მნიშვნელოვანი მტკიცებულება, ეს არის ვიდეო კამერების ჩანაწერები. ეს არ არის დანა, რომელიც ამ სისხლის სამართლის საქმესთან არის შემხებლობაში და საერთოდ, არ ვიცით, ეს დანა არსებობს თუ არა ბუნებაში. ეს არის მხოლოდ დაცვის მხარის მიერ წარმოდგენილი ვერსია. ამ დანას მტკიცებულებითი საფუძველი საქმეში არ აქვს.

გამოძიება ჩავატარეთ ობიექტურად და სრულყოფილად. ჩატარებული მტკიცებულებების საფუძველზე არ გამოკვეთილა, რომ იქ მყოფს დაზარალებულს ან სხვა პირს ჰქონდა დანა”, - აღნიშნა პროკურორმა.