აშშ-ის პრეზიდენტ დონალდ ტრამპთან დღევანდელი შეხვედრების შედეგების განსახილველად ევროპული საბჭოს პრეზიდენტმა რიგგარეშე სამიტი მოიწვია.

ევროპული საბჭოს პრეზიდენტის, ანტონიო კოშტას ცნობით, ევროკავშირის წევრი სახელმწიფოების ლიდერების სამიტი ხვალ, ვიდეო კონფერენციის ფორმატში გაიმართება.

„აშშ-სთან ერთად, ევროკავშირი ხანგრძლივი მშვიდობის უზრუნველსაყოფად მუშაობას გააგრძელებს, რომელიც უკრაინისა და ევროპის სასიცოცხლოდ მნიშვნელოვან უსაფრთხოების ინტერესებს დაიცავს“, - წერს ანტონიო კოშტა X-ზე.

ევროკავშირის ლიდერების შეხვედრა ბრიუსელის დროით 13:00 საათზე (თბილისის დროით 15:00 საათი) დაიწყება.