უკრაინის საგარეო საქმეთა მინისტრის, ანდრეი სიბიგას განცხადებით, რუსეთის მიერ უკრაინაზე ღამით განხორციელებული თავდასხმები აჩვენებს, რამდენად მნიშვნელოვანია მკვლელობების დასრულება, მდგრადი მშვიდობის მიღწევა და უსაფრთხოების მყარი გარანტიების უზრუნველყოფა.

„მიუხედავად იმისა, რომ ვაშინგტონში პრეზიდენტ ზელენსკის და აშშ-ის პრეზიდენტ დონალდ ტრამპის ხელმძღვანელობით, ევროპელი და ნატო-ს ლიდერების მონაწილეობით, მშვიდობის ხელშეწყობის მიზნით მძიმე სამუშაოები მიმდინარეობდა, მოსკოვი მშვიდობის საპირისპიროს აგრძელებდა: მეტ დარტყმას და ნგრევას“, - აღნიშნა სიბიგამ.

მისი თქმით, თავდასხმის შედეგად ენერგეტიკული ინფრასტრუქტურა დაზიანდა და მშვიდობიანი მოქალაქეები დაშავდნენ.

„უკრაინის, აშშ-სა და რუსეთის ლიდერების მომავალ შეხვედრას შეუძლია მშვიდობის გზაზე გარღვევა მოიტანოს. ჩვენ მადლიერები ვართ შეერთებული შტატებისა და პრეზიდენტ ტრამპის მშვიდობის დამყარებისთვის“, - აღნიშნა სიბიგამ.