საზოგადოებრივი მაუწყებლის აჭარის ტელევიზიისა და რადიოს დირექტორმა ვლადიმერ ტატიშვილმა თანამდებობა დატოვა. აღნიშნულის შესახებ საზოგადოებრივი მაუწყებლის სამეურვეო საბჭოს სხდომაზე, საბჭოს თავმჯდომარე ვასილ მაღლაფერიძემ განაცხადა.

„მე მინდა ბატონ ლადოს მადლობა გადავუხადო, ნაყოფიერად ვითანამშრომლეთ. ეს მისი გადაწყვეტილებაა. მართალი გითხრათ მოულოდნელი არ იყო, ნოემბერში ახალი არჩევნები იყო დანიშნული და როდესაც არჩევნები დაინიშნა, ალბათ მაშინ მიიღო ეს გადაწყვეტილება“, - განაცხადა ვასილ მაღლაფერიძემ.

ასევე, სამეურვეო საბჭოს წევრებმა მხარი დაუჭირეს საზოგადოებრივი მაუწყებლის აჭარის ტელევიზიისა და რადიოს დირექტორის მოვალეობის შემსრულებლად, ვლადიმერ ტატიშვილის პირველი მოადგილის, ეკატერინე შანიძეს დანიშვნას.