ბენიამინ ნეთანიაჰუ ომის გმირია და ვფიქრობ, მეც ვარ, - ამის შესახებ აშშ-ის პრეზიდენტმა, დონალდ ტრამპმა The Mark Levin Show-სთან ინტერვიუში განაცხადა.

აშშ-ის პრეზიდენტის, დონალდ ტრამპის განცხადებით, „ომის გმირია“, რადგან ივნისში, ირანის ბირთვულ ობიექტებზე სარაკეტო დარტყმების განხორციელების ბრძანება გასცა.

„მე ბიბისთან [ბენიამინ ნეთანიაჰუ] ერთად ვიმუშავე. ის კარგი ადამიანია და იქ იბრძვის. ყველაფერთან ერთად, მისი ციხეში ჩასმა სურთ. ის ომის გმირია, რადგან ერთად ვიმუშავეთ. ის ომის გმირია. ვფიქრობ, მეც ვარ. არავის აინტერესებს, მაგრამ მეც ვარ, რადგან ის თვითმფრინავები მე გავგზავნე“, - განაცხადა დონალდ ტრამპმა.

მისი თქმით, ირანის ბირთვული ობიექტები „სრულად განადგურდა“.

„თვითმფრინავები მე გავგზავნე. შემდეგ პილოტები დაბრუნდნენ და ისინი ოვალურ კაბინეტში დავაჯილდოვე. ოპერაცია შესანიშნავი გამოვიდა, სრული განადგურება იყო“, - აღნიშნა აშშ-ის პრეზიდენტმა.